बुधबार दिउँसोसम्म पछिल्लो २४ घण्टामा १० हजार २५८ जनामा कोरोना संक्रमण पुष्टि भएको छ । यो नेपालमा कोरोना संक्रमण भित्रिएयता एकैदिनमा पुष्टि भएको सबभन्दा धेरै संक्रमित संख्या हो । यसअघि २८ वैशाख २०७८ मा ९ हजार ४८३ जनामा संक्रमण पुष्टि भएको थियो ।

स्वास्थ्य तथा जनसंख्या मन्त्रालयका अनुसार देशभरमा गरी २२ हजार ८२८ जनाको परीक्षण गरिएको थियो । १७ हजार ८७२ जनाको पीसीआर टेष्ट गर्दा ८७३० र ४ हजार ९५६ जनाको एन्टीजेन परीक्षण गर्दा १५२८ जनामा संक्रमण पुष्टि भएको हो ।

काेराेना संक्रमितकाे संख्यामा अत्यधिक वृद्धि भएपछि काठमाडौं उपत्यकाका सिडिओहरूले ५७ बुँदे अादेश जारी गरेका छन् । जसमा माघ महिनाभर २५ जना भन्दा बढी जमघट हुनेगरी कार्यक्रम र गतिविधि गर्न निषेध गरिएको छ ।