नेपाली क्रिकेट राष्ट्रिय टोलीको मुख्य प्रशिक्षकको रुपमा श्रीलंकन मूलका डेभ वाटमोर नियुक्त भएका छन् ।

विश्व क्रिकेटमा विजयी इतिहास बनाएका वाटमोरले ११ जना प्रतिस्पर्धीलाई उछिन्दै नेपाली टोलीको मुख्य प्रशिक्षक बनेका हुन् । यस प्रतिस्पर्धामा पूर्वप्रशिक्षक पुबुदु दशानायके समेत थिए ।

१९८८ देखि प्रशिक्षणमा सक्रिय वाटमोर श्रीलंकाको कोलम्बोमा जन्मिएर अष्ट्रेलियाबाट खेल करिअर बनाएका क्रिकेटर हुन् । एक दशक सम्म सक्रिय खेल जीवन बिताएका उनले अष्ट्रेलियाको राष्ट्रिय टोलीबाट पनि खेलेका थिए ।

भारतीय राष्ट्रिय टोलीको प्रशिक्षकको लागि दावेदार मानिएका उनी आईपीएल टिम कलकत्ता नाइट राइडर्सको भने प्रशिक्षक थिए । त्यसपछि लगत्तै पाकिस्तानको प्रशिक्षकमा नियुक्त भएका थिए ।

१९९६ मा उनैको प्रशिक्षणमा श्रीलंकाले विश्वकप जितेको थियो । श्रीलंकामा दुई पटक सम्म प्रशिक्षकको रुपमा रहेका उनले २००३ मा भने श्रीलंकन टोलीलाई सेमिफाइनलसम्म पुर्‍याएका थिए । नेपालमा आउनुअघि उनी बंगलादेश, पाकिस्तान र श्रीलंकाको प्रशिक्षक बनिसकेका अनुभवी प्रशिक्षक हुन् ।

यससँगै नेपाल क्रिकेट संघ ९क्यान०को महाप्रवन्धकमा रौनक मल्ल नियुक्त भएका छन् । क्रिकेट म्यानेजरको रुपमा विनोद दास नियुक्त भए ।