सत्तारूढ दल नेकपाकाे सचिवालयकाे अनाैपचारिक बैठकले पार्टी अध्यक्ष तथा प्रधानमन्त्री के पि अाेलीसँग पार्टी एकता जाेगाउन अन्तिमपटक सामुहिक छलफल गर्ने निर्णय गरेकोे छ ।

कार्यकारी अध्यक्ष पुष्पकमल दाहाल प्रचण्डले पार्टी कार्यालय धुम्बाराहिमा अायाेजना गरेको अनाैपचारिक बैठकमा सहभागी बहुमत सचिवालय सदस्यले अाेलीले पार्टीको बैठकमा सहभागी हुन र निर्णय मान्नै पर्ने निष्कर्ष निकालेको प्रबक्ता नारायणकाजी श्रेष्ठले बताए ।

उनका अनुसार शनिबार अाेलीसँग सामुहिक भेटवार्ता गर्ने र फेरि पनि बैठक राख्न अानाकानी गरेमा अब सधैं यसैगरी अकर्मण्यताकाे सिकार पार्टी नहुने निष्कर्ष पनि बैठककाे छ ।

बैठकमा अध्यक्ष प्रचण्डसहित वरिष्ठ नेता माधवकुमार नेपाल, झलनाथ खनाल, उपाध्यक्ष वामदेव गाैतम र नारायणकाजी श्रेष्ठको सहभागीता थियाे ।  अाेलीसहित महासचिव विष्णुप्रसाद पाैडेल, रामबहादुर थापा बादल र इश्वर पाेखरेल भने बैठकमा सहभागी भएनन् ।