गाेकुल बाँस्काेटा दाेषी हुन् भन्ने प्रमाण छैन, मेराे राष्ट्रभक्तिमा शंका नगर्नु – प्रधानमन्त्री अाेली
सत्तारूढ दल नेकपाका अध्यक्ष एवम् प्रधानमन्त्री केपी शर्मा ओलीले अाफूमाथि अनावश्यक र अनर्गल अाराेप लगाइएको भन्दै सरकार ठीक बाटोमा हिँडिरहेको दावी गर्नुभएको छ ।
बिहीबार नेकपाकाे बागमती प्रदेशकाे अायाेजनामा भएको प्रशिक्षण कार्यक्रममा सम्बाेधन गर्दै प्रधानमन्त्री अाेलीले गाेकुल बाँस्कोटाकाे अडियाे काण्ड, जन्मदिनको केक प्रसंग र अन्य विभिन्न टिप्पणीहरूकाे प्रतिवाद मात्रै गर्नुभएन, बचाउ पनि गर्नुभयाे ।
अाेलिले निर्वतमान सूचना तथा सञ्चार प्रविधिमन्त्री गोकुल बाँस्कोटाले सेक्युरिटी प्रिन्टिङ प्रेस खरिदमा कमिसनका लागि बार्गेनिङ गरेको भनेको अडियो सार्वजनिक भएकोमा उक्त ‘अडियोमा बाँस्कोटाकै आवाज हो भन्ने प्रमाणित नभएको’ दाबीसमेत गर्नुभयाे ।
स्वीस कम्पनीका एजेन्ट भनिएका ती व्यक्तिलाई स्वीस दूतावासले एजेन्ट होइन भनेर विज्ञप्तिसमेत निकालेको ओलीले उल्लेख गर्नुभयाे । नेकपाका अध्यक्षसमेत रहेका उहाँले भन्नुभयाे ‘नाम जोडिएकाले उहाँले नैतिकताको आधारमा राजीनामा गर्नुभयो। भ्रष्टाचार गरेको प्रमाणित भएको जस्तो गरी प्रचार भयो।’
