टेलिकम कार्यलयमै तास खेलिरहेका ७ कर्मचारी रंगेहात पक्राउ (भिडियोसहित). मूलखबर संवाददाता काठमाडौं, ५ कात्तिक । काठमाडौंको बबरमहलमा रहेको नेपाल टेलिकमको कार्यालयमा दिउँसो २ बजे प्रहरीले छापा मारेको छ । कार्यालय समयमा कार्यालयभित्रै तास खेलिरहेका कर्मचारीलाई प्रहरीले पक्राउ गरेको छ । बबरमहलमा रहेको कार्यालयको मुख्य भवनमै कार्यालय समयमा कर्मचारी तास खेलिरहेका खबर नागरिकखबर डटकम अनलाइनले प्रकाशीत गरेको छ ।. टेलिकमकै केही उच्च अधिकारीसमेत तास खेलिरहेको सूचनाका आधारमा प्रहरीले छापा मारेको हो । १५र२० जनाले तास खेले पनि प्रहरी आएको सूचना पाएर अन्य कर्मचारी भागिसकेका थिए । सात जनालाई पक्राउ गरिएको प्रहरीले जनाएको छ ।. नेपाल टेलिकमको बबरमहल कार्यालयमा बिहान १० बजेदेखि नै जुवातासको खाल सुरु हुने गरेको केही कर्मचारीले नै गुनासो गरेका छन् । पक्राउ परेका कर्मचारीलाई कानुनअनुसारको कारबाही गरिने प्रहरीले जनाएको छ ।.