आज शनिबार धादिङमा सात वटा सवारी साधन एकै ठाउँमा आपसमा ठोक्किएर दुर्घटना भएको छ।

दुर्घटनामा घाइते भएकामध्ये अहिलेसम्म २७ जना घाइतेलाई उद्धार गरेर विभिन्न अस्पताल पठाइएको छ। तीमध्ये २ जनाको अवस्था गम्भीर छ। गम्भीर घाइतेलाई उपचारका लागि काठमाडौं पठाइएको पनि प्रहरीले जानकारी दिएकाे छ।

पृथ्वी राजमार्गस्थित धुनीवेशी नगरपालिका- ६ चालिसेमा चार वटा बस, दुइटा ट्रक र एउटा मोटरसाइकल एकै ठाउँमा ठोक्किएर दुर्घटना भएको हो।

जिल्ला प्रहरी कार्यालय धादिङका सूचना अधिकारी डिएसपी प्रकाश दाहालका अनुसार दुर्घटना अपराह्न सवा ४ बजेतिरै भएको थियो।

त्यतिबेला काठमाडौंबाट गजुरीतर्फ जाँदै गरेको एउटा डिब्बा कन्टेनरले सुरूमा बागमती प्रदेश ००१ क ००११ नम्बरको स्कुल बसलाई ठक्कर दिएको थियो।

‘उक्त डिब्बा कन्टेनरको ब्रेक फेल भएको र त्यसपछि त्यसले सोही दिशातर्फ जाँदै गरेको र विपरीत दिशाबाट आउँदै गरेको सवारी साधनलाई पनि ठक्कर दिएको रहेछ । उनलेे भनेका छन् ।