‘के कारण पर्यो, भारतले त्यो बुझेको छैन । त्यो बुझेर कार्यान्वयन गर्ने नगर्ने, कसरी गर्ने, के गर्ने, गर्दै नगर्ने कि भन्ने निर्णय पछि प्रधानमन्त्रीहरूले गर्ने हो’ ओलीले भने, ‘रिपोर्ट नै नबुझ्ने सन्दर्भमा हामीले कुराकानी गरिरहेका छौं । यो बुझ्नु राम्रो हुन्छ ।’
गत सोमबार संसदकाे अधिवेशन अन्त्य हुने दिनमा त ओलीले संसदको रोष्ट्रममै उभिएर भारतलक्षीत गाली गरे । अमेरिका भ्रमण बारे जानकारी दिन संसदमा सम्बोधन गर्दै ओलीले भने, ‘नेपाल असल छिमेकीको रूपमा छिमेक सम्बन्ध कायम राख्न चाहन्छ, छुद्र र जाली छिमेकी होइन ।’
उनले अगाडि थपे, ‘असल छिमेकीको रूपमा, छिमेकीको अहित चिताउने छिमेकीको रूपमा होइन, छिमेकीको हित चिताएर काम गर्ने छिमेकीको रूपमा बस्न चाहन्छ र त्यस्तै व्यवहार छिमेकीहरूबाट पनि चाहन्छ ।´
ओलीसँग चीन पनि असन्तुष्ट
प्रधानमन्त्री केपी ओलीसँग उत्तरी छिमेकी चीन पनि त्यति सन्तुष्ट देखिएकाे छैन । बाम गठबन्धन एकाएक ताेडेर अमेरिकी याेजनामा सरकार फेरेपछि चीन ओलीसँग त्यति सन्तुष्ट नदेखिएको एक चिन मामिला विश्लेषककाे भनाइ छ । उनलेे ओलीले बीआरआई कार्यान्वयन गर्ने दिशामा काम गरेमा सम्बन केही सुधार हुन सक्ने तर्क गरे तर ओलीकाे याेजना र कार्यशैली हेर्दा बीआरआई तिर भन्दा एमसिसितिर नै बढि झुकाव देखिएकाे बताए ।
ओलीकाे कमजाेर कुटनीतिका कारण सरकारलाई धेरै अप्ठ्यारो आउन सक्ने उनको बुझाइ छ ।
