नेकपा माओवादी केन्द्रकाे पहिलो राष्ट्रिय सम्मेलनको तयारी पूरा भएको बताइएको छ । पार्टी प्रवक्ता कृष्ण बहादुर महराले सम्मेलनकाे तयारी पूरा भएको जानकारी पत्रकार सम्मेलन गरेर दिएका हुन् ।  सम्मेलन यही पौष ११ गतेदेखि पौष १३ गतेसम्म काठमाण्डौमा हुँदैछ ।

सम्मेलनमा देशभरबाट १५ सय ३३ जना  प्रतिनिधि सहभागी हुने माओवादी केन्द्रले जनाएको छ।
माओवादी केन्द्रका प्रवक्ता कृष्णबहादुर महराका अनुसार प्रदेशबाट ८ सय ३ सहभागी हुने बताए। त्यस्तै आयोजकबाट १७९, सल्लाहकारबाट १४९ जना, जेष्ठ कम्युनिष्टबाट १२५, आयोगबाट ७५, केन्द्रीय विभागहरूबाट १० प्रतिशतका दरले १०२ जना, केन्द्रीय प्रतिनिधि २७ जना सहभागी हुने छन्।