कात्तिकको शुरुवातदेखि आएको बेमौसमि वर्षका कारण देशभरको जनजीवन नराम्ररी प्रभावित बनेको छ । आइतबारदेखि आएको अविरल वर्षले देशको पुर्वदेखि पश्चिमसम्म नै जनजीवन प्रधावित भएको हो ।

वर्षाले उत्पन्न वाढी र पहिरोमा परी ३० जनाले ज्इान गुमाइसकेका छन् भने ३२ जना बेपत्ता भएका छन् । कैयौं घाइते भएका छन् भने अरबौंको धनमालको क्षती भएको छ । विशेष गरी सुदुरपश्चिमका जिल्ला हरु र पुर्वको धनकुटामा आएको पहिरोमा परी तिनीहरुले ज्यान गुमाएका हुन् ।

वर्षले दर्जनौं सडक अवरुद्ध भएका छन् भने विराटनगर विमानस्थल पुरै डुवानमा परेको छ ।

घटनामा ३२ जना बेपत्ता र १२ जना घाइते रहेको गृह मन्त्रालयको राष्ट्रिय आपतकालीन कार्य सञ्चालन केन्द्रले जनाएको छ ।

केन्द्रका अनुसार बैतडीको मंगलबार राम पार्कीको घर भत्किँदा दुई महिला र एक बालकको पुरिएर मृत्यु भएको छ । मृतकको शव निकाल्ने प्रक्रिया थालिएको केन्द्रले बताएको छ ।

बैतडीकै सुर्नैया गाउँपालिका ५, विष्टपालीमा पहिरो जाँदा ७१ वर्षीया पारुदेवी महराको मृत्यु भएको छ । घटनामा दुई जना घाइते छन् । उनीहरुको स्थानीय स्वास्थ्य चौकीमा उपचार भइरहेको बताइएको छ ।

प्रदेश १ को धनकुटास्थित चौविसे गाउँपालिका १, गेडेरेमा पहिरोले घर पुरिँदा ६ जनाको मृत्यु भएको छ । घरभित्र रहेका १२ जनामध्ये ६ जनालाई घाइते अवस्थामा उद्दार गरिएको छ । थप खोजतलास भइरहेको प्रहरीले जनाएको छ ।

डोटीको शिखर नगरपालिका, जोरायल गाउँपालिका र सायल गाउँपालिकामा पहिरो जाँदा ७ जनाको मृत्यु भएको छ । एक जना बेपत्ता र दुई घाइते छन् ।

प्रहरीका अनुसार जोरायल गाउँपालिका(३ मा जोगी सार्कीको घर पहिरोले पुरिँदा ६३ वर्षीय उनको मृत्यु भएको छ । वडा नं। ४ मा शेरबहादुर विकसहित उनको परिवारका ४ जनाको मत्यु भएको प्रहरीले जनाएको छ ।

शिखर नगरपालिका ११ मा ३६ वर्षीया मन्धरा बलायर बाटोमा हिँडिरहँदा माथिबाट ढुंगासहितको पहिरो खसेको छ । घटनामा घाइते उनको उपचारका क्रममा मृत्यु भएको छ ।

सायल गाउँपालिका ५ मा हिरुवा लोहारको मृत्यु भएको छ । उनको घरमा दुई जना घाइते छन् । घाइतेको स्थानीय स्वास्थ्य चौकीमा उपचार जारी छ ।

हुम्लाको खार्पुनाथ गाउँपालिका(५, खरेलमा पहिरो जाँदा चार जनाको मृत्यु भएको छ । दुई जना बेपत्ता छन् ।

गाउँमा पहिरो जाँदा ६ जना बेपत्ता भएको खबर प्रहरीलाई पुगेको थियो । खोजतलासका क्रममा चार जनाको शव भेटिएको छ । दुई जनाको खोजतलास जारी छ ।

इलाममा पहिरो जाँदा तीन जनाको मृत्यु र ५ जना बेपत्ता छन् । दउमाईमा खोलाले बगाउँदा ४५ वर्षीया सरिता आचार्यको मृत्यु भएको छ ।

फाकथोक थुङ गाउँपालिका १, ठिंगुरेमा घर पुरिँदा २ जनाको मृत्यु भएको छ । दुई जना घाइते छन् । सल्लेरीमा पहिरो जाँदा चार जना बेपत्ता छन् ।

पाँचथरमा पहिरो जाँदा पाँच जनाको मृत्यु भएको छ भने एक जना घाइते छन् । फाल्गुनन्द गाउँपालिका(३ मा पहिरोले घर पुरिँदा एक जनाको मृत्यु भएको छ । एक जना बेपत्ता र ६ जना घाइते छन् ।

घाइतेको स्थानीय स्वास्थ्य चौकीमा उपचार जारी छ । कुम्बाक गाउँपालिका(१, लाक्टोपामा पहिरोले घर पुरिँदा एक जनाको मृत्यु भएको छ । फिदिम ४, जोरसालमा पनि दुई जनाको मृत्यु भएको छ ।

मिक्लाजुङ गाउँपािलका ५ मा एक जनाको मृत्यु भएको छ । प्रहरीले खोजी तथा उद्धार कार्य जारी राखेको छ ।

उदयपुरमा बाढीले एक जना बगाएको छ । त्रियुगा नगरपालिका ५, खोरिया खोला तर्ने क्रममा ४० वर्षीया टुकबहादुर खड्कालाई बाढीले बगाउँदा मृत्यु भएको प्रहरीले जनाएको छ ।

सोमबार आएको बाढी, पहिरोमा ६ जनाको मृत्यु भएको गृह मन्त्रालयमा रिपोर्टिङ भएको थियो ।