दुई दिनदेखि परेको अविरल वर्षाका कारण रोल्पामा पहिरो गएर घर पुरिँदा एकै परिवारको तीन जनाको मृत्यु भएको छ ।
मृत्यु हुनेमा ८६ वर्षीया कर्मिता बुढा, १६ वर्षीया श्यामकला बुढा र १८ वर्षीया सुशीला बुढा छन् ।

रोल्पा नगरपालिकाको हुमामा मंगलबार राति आएको पहिरोले दुई तले घर पुर्दा तीन जनाको घटनास्थलमै मृत्यु भएको रोल्पाका प्रहरी नायब उपरीक्षक ९डीएसपी० नरेश सुवेदीले बताए ।

उनका अनुसार घटनामा टीका बुढामगर घाइते छन् । पहिरोका कारण सडक अवरुद्ध भएकाले उनलाई नेपाली सेनाको हेलिकोप्टरमार्फत बुटवलस्थित अस्पतालमा लैजाने तयारी गरिएको छ ।

मृत्यु हुनेमा टीकासिंहकी आमा ८६ वर्षीया कर्मिता, १८ वर्षीया बुहारी सुशीला र १५ वर्षीया छोरी श्यामकला रहेका छन् भने घाइते हुनेमा टीकासिंह, उनकी पत्नी सुनमाया र ९ वर्षीय छोरा शक्तिमान रहेको प्रजिअ सापकोटाले जाकारी दिए।