बुधबार बिहान पूर्वी नवलपरासीमा बस दुर्घटना हुँदा ४ जनाको मृत्यु भएको छ।

काठमाडौंबाट रुकुम जाँदै गरेको ना ५ ख २७१३ नम्बरको बस पूर्व–पश्चिम राजमार्गको बर्दघाट–दाउन्ने सडकखण्डमा दुर्घटनामा परेको प्रहरीले जनाएको छ। मृतकहरुको पहिचान खुल्न सकेको छैन।

त्यस्तै दुर्घटनामा १ दर्जनभन्दा बढी घाइते भएका छन्। यद्यपि घाइतेहरुको संख्या पनि यकिन भने हुन नसकिरहेको प्रहरीले जनाएको छ।

घटनास्थलबाट केही घाइतेहरुको उद्धार गरेर उपचारको लागि चिसापानी अस्पताल लगिएको छ।