सत्तारूढ नेपाल कम्युनिस्ट पार्टी (नेकपा)भित्र सभामुख पदको उम्मेदवार टुंगो लगाउन सकस परिरहेको बेला प्रधानमन्त्री एवं अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच छलफल भएको छ ।

प्रधानमन्त्री निवास बालुवाटारमा बिहीबार अध्यक्षद्वयबीच छलफल भएको बालुवाटार स्रोतले जनाएको छ । प्रतिनिधिसभाको रिक्त सभामुख पदमा उम्मेदवार टुंगो लगाउने विषयमा दुई अध्यक्षबीच छलफल भएको हो । विगत लामो समयदेखि नेकपा अध्यक्षद्वय ओली र प्रचण्डले  सभामुख उम्मेदवार टुंगो लगाउन छलफल गरेपनि सहमति जुटन सकेको छैन । अध्यक्षद्वयबीच बिहीबार भएको छलफलमा समेत केही सहमति जुट्न सकेन ।

अध्यक्षद्वय आ–आफ्नै अडानमा रहेका कारण सहमति जुटन सकेको छैन । नेकपाबाट सभामुखको उम्मेदवार बन्न स्थायी कमिटीका सदस्यहरू सुवासचन्द्र नेम्वाङ, अग्नि सापकोटा र पम्पा भुसालले दाबी गर्दै आएका छन् । यस्तै, उपसभामुख डा. शिवमाया तुम्बाहाङ्फेले समेत सभामुख हुन लबिङ गर्दै छिन् ।

राष्ट्रपति विद्यादेवी भण्डारी उपसभामुख तुम्बाहाङ्फे, ओली नेम्वाङ, दाहाल सापकोटा, नेकपा सचिवालय सदस्य एवं गृहमन्त्री रामबहादुर थापा भुसाललाई सभामुख बनाउनुपर्ने रणनीतिमा लागेका छन् । यता, नेकपा सचिवालय बैठकबाट भएको निर्णयानुसार उपसभामुख तुम्बाहाङ्फेले राजीनामा दिन मानेकी छैनन् । उनी नमानेपछि संसद् बैठक पटक–पटक सूचना जारी गर्दै स्थगित हुँदै आएको छ ।

संविधानअनुसार पाएको अधिकार प्रयोग गर्दै संघीय संसद्को प्रतिनिधिसभा बैठक जसरी पनि अगाडि बढाउने बताएकी उपभामुख डा. तुम्बाहाङ्फेले अन्ततः आफैंले बैठक स्थगित गर्दै आएकी छन् । गत ४ पुसदेखि सुरु भएको संसद्को हिउँदे अधिवेशनको बैठक त्यसयता बस्न सकेको छैन । ११, १६ र २७ पुसमा बोलाइएको बैठक सूचना टाँसेर स्थगित गरिएको थियो । ६ माघमा संसद् बैठक बस्ने संसद् सचिवालयले जनाएको छ ।

संवैधानिक व्यवस्थाअनुसार सभामुख र उपसभामुख फरक दल र लिंगको व्यक्ति हुनुपर्छ । झन्डै दुई तिहाइ बहुमतसहितको नेकपाले सभामुख छोड्न चाहेको छैन । तर, नेकपाबाटै उपसभामुख भएकी तुम्बाहाङ्फेले राजीनामा नदिई निर्वाचन प्रक्रिया अगाडि बढ्यो भने नेकपाले सभामुख पदमा उम्मेदवारी दर्ता गर्न पाउनेछैन ।

पार्टीको निर्णय नमानेर संसदलाई बन्धक बनाइरहेकी उपसभामुखकाे रबैयाले नेकपाकाे अान्तरिक राजनीति मात्रै हाेईन जनस्तरसम्म नकारात्मक सन्देश फैलिइसकेकाे छ । उनले राजिनामा नगरेमा सभामुख पद अन्य दललाई दिनुपर्ने संवैधानिक व्यवस्था भएकोले उनले राजिनामा नगरि संसदकाे प्रक्रिया नै अगाडि बढ्न सक्दैन ।

तर उनलाई राजिनामा नगराउन भुमिका खेल्नेहरूले जनताकाे अगाडि पार्टीको साख गिराउने काम गरेकाे तथा पुर्व माअाेवादी खेमालाई अपमान गरेकाे  नेता हरिबाेल गजुरेलले बताए । गजुरेलका अनुसार उपसभामुखकाे अावरणमा जे गरिएको छ त्याे गतिविधिले पुर्व माअाेवादीलाइ वाइपास गरेर सभामुख नै नेकपाकाे हातबाट गुमाउने षड्यन्त्र भइरहेकाे छ । अहिले अध्यक्ष अाेली र राष्ट्रपति विद्या भण्डारीकाे उक्साहटमा उपसभामुख ले अड्काे थाप्ने र अन्तमा पुर्वमाअाेवादी लाई कुनै हालतमा सभामुख हुन नदिने बरू कांग्रेस वा राजपालाइ सभामुख दिने षड्यन्त्र हुन थालेकाे छ ।

पुर्व माअाेवादीले सभामुख अाफ्नाे तर्फबाट हुनुपर्ने नयाँ अडान नभई पुरानै एकताकाे सहमतिमा अाधारित भएकोले यसमा बहस नै अावश्यक नभएको बताउँदै अाएकाे छ । सभामुख दिन नचाहनुले पार्टी एकतामा समेत गम्भीर अाशंका पैदा भएको पुर्व माअाेवादी नेताहरूकाे भनाइ छ ।