काठमाडौँ, २७ वैशाख ।

आगामी बजेटमा कर्मचारीको तलब २० प्रतिशतसम्म बढाउने सरकारले तयारी गरेको छ । कर्मचारीको तलब २० प्रतिशतसम्म बढाउने गरी छलफल अघि बढाइएको अर्थ मन्त्रालयले जनाएको छ ।अर्थमन्त्रालयका अनुसार कर्मचारीको तलब न्युनतम १० देखि अधिकतम २० प्रतिशतसम्म बढाउने तयारी भइरहेको छ ।

सरकारले अघिल्लो २ वर्ष निजामती कर्मचारीको तलव बृद्धि गरेको थिएन । आर्थिक वर्ष २०७२–७३ को बजेट वक्तव्यबाट बृद्धि गर्ने तयारी भएपनि भुकम्पका कारण रोकिएको थियो । तर, यस पटक भने बृद्धि गर्ने तयारी भइरहेको मन्त्रालय स्रोतले जानकारी दिएको छ ।

२ वर्ष यता तलब नबढेकाले कर्मचारीहरुले पनि तलब बृद्धिका लागि दवाव दिँदै आएका छन् । एमाले नेतृत्वको सरकार भएका कारणले पनि यस पटक कर्मचारीको तलब बृद्धि हुने सम्बद्ध सुत्रले जानकारी दिएको छ ।