काठमाडौ, १९ बैशाख ।

स्पेनिस लिग ला लिगा फुटबलअन्तर्गत शनिबार रातिका खेलहरुमा तीन दाबेदार बार्सिलोना, एथ्लेटिको मड्रिड र रियल मड्रिड विजयी भएका छन् ।

बार्सिलोनाले रियल बेटिसलाई उसकै मेदानमा २–० गोल अन्तरले हरायो । बार्सिलोनालाई बिजयी गराउन इभाँ राकिटिच र लुइस सुवारेजले १–१ गोल गरे ।

शनिबार राती भएको खेलमा रियल मड्रिडले रियल सोसियाडाडलाई १–० ले पराजित गर्‍यो । रियल मड्रिडको जितमा ग्यारेथ बेलले निर्णायक गोल गरे ।

अर्को खेलमा एथ्लेटिको मड्रिडपनि बिजयी भयो । एन्टोइन ग्रिजम्यानको निर्णायक गोलको मद्धतमा एथ्लेटिकोले घरेलु मैदानमा रायो भायकानोलाई १–० ले पराजित गरेको हो ।

ला लिगामा ३६ औ चरणका खेल सकिँदा ८५ अंक जोडेको बार्सिलोना अंक तालिकाको शिर्ष स्थानमा छ ।

समान ८५ अंक जोडेको एथ्लेटिको मड्रिड गोल अन्तरको आधारमा दोस्रो तथा १ अंक कम जोडेको रियल मड्रिड ८४ अंकका साथ तेस्रो स्थानमा छ ।

जारी सिजन लिगमा २ खेल बाँकी छँदा यी तीन दाबेदारको उपाधि भिडन्त रोमाञ्चक मोडमा पुगेको छ ।