काठमाडौं,९  बैशाख  ।

राष्ट्रपति विद्यादेवी भण्डारीले बेलायतकी महारानी एलिजाबेथ द्वितीयको जन्मदिनको अवसरमा शुभकामना व्यक्त गरेकी छिन ।  । आज पठाएको  शुभकामना सन्देशमा राष्ट्रपति भण्डारीले महारानी एलिजाबेथको व्यक्तिगत सुख र सुस्वास्थ्यका साथै बेलायती जनताको उन्नति र समृद्धिको कामना गरेकी छिन ।

यस्तै प्रधानमन्त्री केपी शर्मा ओलीले पनि त्यहाँका प्रधानमन्त्री डेभिड विलियम डोनाल्ड क्यामरनमार्फत बेलायती महारानी एलिजाबेथ द्वितीयलाई जन्मदिनको अवसरमा नेपाल सरकार र नेपाली जनताका तर्फबाट बधाइ तथा शुभकामना दिएका छन ।

शुभकामना सन्देश पठाउँदै प्रधानमन्त्री ओलीले दुई देश र जनताबीच लामो समयदेखि रहिआएको सौहाद्र्र र मैत्रीपूर्ण सम्बन्ध आगामी दिनहरुमा थप प्रगाढ बन्ने विश्वास पनि व्यक्त गरेका छन ।