काठमाडौं ,१९ चैत ।

एकिकृत नेकपा माओवादीका अध्यक्ष पुष्पकमल दाहाल प्रचण्ड र नेपालका लागी चीनियाँ राजदूत यु चुन्ताईबीच आज भेटवार्ता भएको छ । प्रचण्ड निवास लाजिम्पाटमा भएको भेटमा हालै प्रधानमन्त्री केपी शर्मा ओलीले गरेको चीन भ्रमण र भ्रमणका क्रममा दुई देशबीच भएका १० बुँदे सम्झौताका विषयमा छलफल भएको प्रचण्डको नीजि सचिवालयले जनाएको छ ।भेटमा प्रचण्डले राजदूत चुन्ताईलाई प्रधानमन्त्रीको चीन भ्रमणलाई फलदायी बनाउन सहयोग गरेकोप्रति राजदूत चुन्ताईलाई धन्यवाद समेत दिएका छन् ।उनले दुई मुलुकबीच भएका सम्झौतालाई कार्यन्वयन गर्ने बिषयमा पनि छलफल भएको बताईएको छ ।