अमेरिकी राष्ट्रपति बाराक ओबामाले अर्जेन्टिनाको दुई दिने भ्रमणका क्रममा गरेको ‘ट्याङ्गो डान्स’ को सर्वत्र चर्चा भइरहेको छ ।

ओबामाले आफ्नो सम्मानमा अर्जेन्टिनी समकक्षी मोरिसिओ मर्सीले आयोजना गरेको ‘स्टेट डिनर’ मा नर्तकीसँग ‘ट्याङ्गो डान्स’ गरेका हुन् । उनीसँगै  अमेरिकी प्रथम महिला मिचेल ओबामाले पनि नृत्य गरेकी थिइन् ।

ब्रसेल्समा आतंकवादी हमला भएपछि सिंगो विश्व चिन्तित बनिरहेको सममा ओबामाले अर्जेन्टिनामा मस्ती गरेको भन्दै अमेरिकामा विरोध भइरहेको छ ।

अमेरिकी राष्ट्रपतिको उम्मेदवारी हासिल गर्ने दौडमा रहेका रिपब्लिकन नेता डोनाल्ड ट्रम्पले ओबामालाई भ्रमण छोट्याएर अमेरिका फर्कन आग्रह गरेका थिए । तर ओबामाले आफ्नो भ्रमण जारीमात्र राखेनन्, ‘ट्याङ्गो डान्स’को मजा पनि लिए ।

ब्रसेल्स हमलामा परी मृत्यु हुनेमा नौजना अमेरिकी छन् । त्यसैगरी केही अमेरिकी नागरिक घाइते भएका छन् । (एजेन्सी)