चीन सरकारले पठाएको अर्को खेपका उद्धार सामग्रीहरू मङ्गलवार साँझ काठमाण्डू आइपुगेको नेपाल सरकारले जनाएको छ।

विज्ञान, प्रविधि तथा नवप्रवर्तन महावीर पुनका अनुसार सैनिक जहाजमार्फत् अघि साँझ चिनियाँ सामग्री काठमाण्डू आइपुगेको हो।

“आज आएका सामानहरूमा केही महत्त्वपूर्ण सामानहरू जस्तै डीएनए जाँच्ने मशिनहरू र ७० किलोसम्म बोक्ने ड्रोनहरू छन्,” मन्त्री पुनले सामाजिक सञ्जालमा लेखेका छन्।

चिनियाँ विदेश मन्त्रालयले दोस्रो खेपमा कार्गो ड्रोनहरू, डीएनए फरेन्सिक विज्ञहरूसहित डीएनए परीक्षण कीटहरू, पानी शुद्धीकरण उपकरण तथा प्रकाशसम्बन्धी उपकरणहरू रहेका जनाएको छ।

नेपालका लागि चिनियाँ राजदूतले ती सामानहरू हस्तान्तरण गरेका मन्त्री पुनले बताएका छन्।