तपाईं आज कतै यात्रा गर्दै हुनुहुन्छ ? सबैभन्दा पहिला माैसमकाे अवस्थाबारे जानकारी लिनुहाेस् ।

हाल नेपालमा पश्चिमी वायुका साथै स्थानीय वायूको आंशिक प्रभाव रहेको छ।

जल तथा मौसम पूर्वानुमान महाशाखाका अनुसार सोमबार बिहान गण्डकी प्रदेश लगायत देशका पहाडी र हिमाली भू-भागमा साधारणतया बादल लागेको छ।

बाँकी भू-भागमा आंशिक बादल लागेको महाशाखाले जनाएको छ। सोमबार दिउँसो देशको पहाडी र हिमाली भु-भागमा साधारणतया र तराई भू-भागमा आंशिक बादल लाग्नेछ।

सुदूरपश्चिम प्रदेशको पहाडी र हिमाली भू-भागका केहि स्थानहरूमा तथा बाँकी पहाडी र हिमाली भु-भागका थोरै स्थानहरूमा भने मेघगर्जन/चट्याङ्ग सहित हल्का वर्षा तथा हिमपातको सम्भावना रहेको महाशाखाले जनाएको छ।

सोमबार राति देशको पहाडी र हिमाली भू-भागमा साधारणतया र तराई भू-भागमा आंशिक बादल लाग्ने महाशाखाको पूर्वानुमान छ।