इजरायल र हमासबीच गाजापट्टीमा भएको युद्धविराम इजरायली सरकारले बिहीबार साँझबाट शुरू भएको  छ ।

इजरायली सरकारले सम्झौता पुष्टि गरेपछि लागु हुने इजरायली प्रधानमन्त्री बेन्जामिन नेतन्याहूको कार्यालयका एक अधिकारीलाई उद्धृत गर्दै रोयटर्सले जनाएका थिए।

सरकारले युद्धविराम अनुमोदन गरेपछि २४ घण्टाको अवधि सुरु हुनेछ, जसको दौरान उक्त निर्णयलाई न्यायको उच्च अदालतमा अपिल गर्न सकिने बताइएको छ ।

त्यो अवधि समाप्त भएपछि, हमाससँग सम्झौताको आफ्नो भाग पूरा गर्न र सबै बन्धकहरूलाई (जीवित र मृत दुवै) रिहा गर्नका लागि ७२ घण्टाको समय हुनेछ ।

फलस्वरूप, हमासले बन्धकहरूलाई आइतबारको सट्टा सोमबारसम्म रिहा गरिसक्ने सम्भावना रहेको जेरुसेलम पोस्टले जनाएको छ । सुरुमा, युद्धविराम दिउँसो १२ः०० बजे सुरु हुने तय गरिएको थियो । यो सम्झौता कुनै हस्ताक्षर गरिएको कागजातबिना नै दुवै पक्षबीचको अनौपचारिक सहमति मा आधारित छ ।

मृत्यु भएका बन्धकहरूको शव पत्ता लगाउनका लागि संयुक्त इजरायली–अमेरिकी–कतारी–इजिप्टियन कार्यदल स्थापना गरिने उल्लेख छ ।

विवरणसँग परिचित एक स्रोतले द जेरुसेलम पोस्टलाई बताएअनुसार, कार्यदलले मृत व्यक्तिको शवसम्म पुग्नका लागि खन्न वा भवन भत्काउन जस्ता कार्यहरूका लागि ठूला उपकरणहरू उपलब्ध गराउनेछ ।

कार्यदलको लक्ष्य जीवित बन्धकहरूका साथै अपहरण गरिएका व्यक्तिहरूको सकेसम्म धेरै शवहरूलाई ७२ घण्टाभित्र इजरायल फिर्ता गर्नु हो ।

गाजा सम्झौतालाई अनुमोदन गर्न अहिले इजरायलको संसद्मा मतदानको प्रक्रिया सुरु हुन लागेको समाचारमा उल्लेख छ । गाजा युद्ध अन्त्य गर्ने र सबै बन्धकहरूलाई रिहा गर्ने अमेरिकी राष्ट्रपति डोनाल्ड ट्रम्पको सम्झौतामा मतदानका लागि प्रधानमन्त्री बेन्जामिन नेतन्याहू मन्त्रिपरिषद् र सरकारी मतदान हुनुअघि बिहीबार नेसेट (इजरायली संसद्) आइपुगेका छन् ।

यसअघि बिहीबार बिहान अर्थमन्त्री बेजालेल स्मोट्रिचले एक्समा मन्त्रिपरिषद् बैठकमा युद्धविराम सम्झौताको विपक्षमा मतदान गर्ने कुराको पुष्टि गरेका थिए ।