२०२५ शाङ्घाई सहयोग संगठन (SCO) मिडिया सहयोग मञ्चको प्रतिनिधिमण्डलले सोमबार उरुम्ची अन्तर्राष्ट्रिय स्थलीय बन्दरगाह क्षेत्रको अवलोकन भ्रमण गरेको छ। यो भ्रमण SCO सदस्य राष्ट्रहरूबीच मिडिया सहकार्य र क्षेत्रीय सम्पर्क विस्तार गर्ने व्यापक पहलको एक हिस्सा हो।

प्रतिनिधिमण्डलमा विभिन्न SCO सदस्य देशहरूका सञ्चारकर्मी, पत्रकार तथा सञ्चार विज्ञहरू सहभागी थिए। स्थानीय अधिकारीहरू र बन्दरगाहका प्रतिनिधिहरूले प्रतिनिधिमण्डललाई हार्दिक स्वागत गरेका थिए र उक्त पूर्वाधारले व्यापार, ढुवानी तथा बेल्ट एण्ड रोड इनिसिएटिभ (BRI) मा आर्थिक विकास प्रवर्द्धनमा खेलेको भूमिकाबारे विस्तृत जानकारी दिएका थिए।

प्रतिनिधिहरूले बन्दरगाहको सञ्चालन प्रणाली अवलोकन गरेका थिए र मध्य एशियालाई विश्व बजारसँग रेल तथा सडक सम्पर्कमार्फत जोड्ने रणनीतिक महत्त्वबारे जानकारी लिएका थिए। भ्रमणले SCO राष्ट्रहरूबीच विकासका कथाहरू, पूर्वाधार उपलब्धिहरू र सीमा पारका सहकार्यहरू साझा गर्न मिडिया सहकार्यका सम्भावनालाई उजागर गरेको थियो।

यो अवलोकन भ्रमण २०२५ को SCO मिडिया फोरमको अवसरमा भएको हो, जसले सदस्य राष्ट्रहरूबीच संवाद, सूचना आदानप्रदान तथा आपसी समझदारीलाई उत्तरदायी पत्रकारिता र संयुक्त मिडिया पहलमार्फत प्रवर्द्धन गर्ने लक्ष्य राखेको छ।

प्रतिनिधिहरूले चीनको पूर्वाधार विकास प्रत्यक्ष अवलोकन गर्ने अवसर पाएकाेमा धन्यवादसहित  सन्तुलित समाचार प्रवाह तथा क्षेत्रीय मित्रता प्रवर्द्धनका लागि निरन्तर मिडिया सहकार्य रहने जनाएका थिए ।