संयुक्त राज्य अमेरिकाकाे ४७ ओैं राष्ट्रपतिमा भारी मतका साथ निर्वाचित भएका डाेनाल्ड ट्रम्पलाई रुसी राष्ट्रपति भ्लादिमिर पुटिनले बधाई दिएका छन् ।

पुटिनले अमेरिकाको राष्ट्रपतिमा निर्वाचित डोनाल्ड ट्रम्पलाई बिहीबार बधाई दिएका हुन् । राष्ट्रपति पुटिनका प्रेस सचिव दिमित्री पेस्कोभका अनुसार राष्ट्रपति पुटिनले एक कार्यक्रमका अवसरमा ट्रम्पलाई बधाई दिएका हुन् ।

बिहीबार भल्दाई इन्टरनेसनल डिस्कसन क्लबमा आयोजित एक कार्यक्रममा पुटिनले ट्रम्पलाई बधाई दिएका रूसी समाचार संस्था तासले जनाएकाे छ ।

पुटिनको भनाइ उद्धृत गर्दै तासले लेखेको छ, ‘म यो अवसरलाई सदुपयोग गर्दै अमेरिकी राष्ट्रपतिमा निर्वाचित भएकोमा ट्रम्पलाई बधाई दिन चाहन्छु । मैले पहिले पनि भनिसकेको छु कि अमेरिकी नागरिकको विश्वास भएका राष्ट्राध्यक्षसँग हामी काम गर्नेछौँ ।’