प्रमुख प्रतिपक्षी दल नेकपा माओवादी केन्द्रले सरकारले गरेको भ्रष्टाचार र बेथितिकाे विरूद्व गर्न लागेकाे राजधानीमा विशाल जनप्रदर्शन र खबरदारी सभाकाे तयारी तिब्र पारेकाे छ ।

माओवादी केन्द्रले भाेली कात्तिक १० गते राजधानीकाे भृकुटीमण्डपमा खबरदारी सभा गर्न लागेकाे हाे । उसले सभामा ३० हजार भन्दा बढिकाे सहभागीता हुुने बताएको छ । माओवादी केन्द्रकाे राजधानी केन्द्रीत ३ प्रदेश बागमती प्रदेश, उपत्यका विशेष प्रदेश र सम्पर्क समन्वय प्रदेशकाे मुख्य सहभागीता रहने जनाएको छ ।

सभा पुर्व बिहान ११:३० बजे सुन्धाराबाट र्याली र जुलुस शुरू हुने र १ बजे भृकुटीमण्डपमा खबरदारी सभा हुने बताइएको छ । जुलुस सुन्धाराबाट रत्नपार्क, बागबजार, पुतलीसडक, पद्माेदय मार्ग हुँदै भृकुटीमण्डपमा पुगेर सभामा परिणत हुनेछ । जुलुसमा पार्टी अध्यक्ष तथा पुर्व प्रधानमन्त्री पुष्पकमल दाहाल प्रचण्ड सहित केन्द्रीय पदाधिकारी, केन्द्रीय सदस्य सहित तीनवटै प्रदेशका पार्टी सदस्य र सार्थक शुभचिन्तक जनसमुदायको सहभागीता रहने उपत्यका  विशेष प्रदेश समिति अध्यक्ष जगत सिंखडाले जानकारी दिए ।

माओवादी केन्द्रले यसपटक सडक जाम नगर्ने र राजधानी बाहिरबाट पैसा खर्च गरेर मानिस नउतार्ने बागमती प्रदेश अध्यक्ष सरल सहयात्री पाैडेलले बताए । उनले वागमती प्रदेशका उपत्यका बाहिरका जिल्लाबाट स्वस्फूर्त रूपमा मानिसहरू आउन सक्ने बताए । पार्टीले कसैलाई पनि बाध्यत्म्म रूपले नल्याउने उनले बताए ।

सभामा पार्टी अध्यक्ष प्रचण्डले विशेष सम्वाेधन गर्ने र कार्यक्रम ४ बजे समापन गरिने बताइएको छ ।