मेची राजमार्ग अन्तर्गत इलामाको रोङ गााउपालिकामा भएको बस दुर्घट्नामा १ जनाको मृत्यु हुनुका साथै ३६ जना घाइते भएका छन् । दुर्घटनामा परेका सबै यात्रुको पहिचान खुलेको छ । मधेश प्रदेशको राजधानी धनुषादेखि इलामको कन्याम घुम्न आएका विद्यार्थी सवार ना ६ख ८४२४ नम्बरको बस रोङ गााउपालिकाको किटेनी भन्ने स्थानमा दुर्घटना हुँदा धनुषाधाम नगरपालिका–९ धारापानीका १२ वर्षीय अर्पण लामाको निधन भएको जिल्ला प्रहरी कार्यालय इलामले जनाएको छ ।

दुर्घटनामा ३६ जना घाइते भएको र उनीहरुमध्ये ६ जनाको अवस्था गम्भीर रहेको जिल्ला प्रहरी कार्यालय इलामले जनाएको छ । आइतबार साँझ साढे ५ बजे भएको दुर्घटनाका घाइतेलाई सडकजाम हुँदा उद्धार गर्न कठिनाइ भएको इलामका प्रहरी नायव उपरिक्षक प्रकाश जवेगूले जानकारी दिए ।
दुर्घटनाको कारण एकीन भइनसकेको प्रहरीले जनाएको छ ।