नास्ट तीन महिनादेखि नेतृत्वविहिन, उपकुलपतिको लागि दाैडधुप. सरकार नियन्त्रित नेपाल विज्ञान तथा प्रविधि प्राज्ञ प्रतिष्ठान(नास्ट)ले ३ महिनादेखि नेतृत्व प्राप्त गर्न सकेको छैन । गत पुसमा डा. सुनिलबाबु श्रेष्ठको कार्यकाल सकिएपछि नास्टमा उपकुलपति रिक्त छ ।. नास्टको उपकलुपति प्रज्ञा प्रतिष्ठानमा पूरा समय काम गर्ने प्रमुख पदाधिकारी हुन्छ । उपकुलपतिको नियुक्ति प्रधानमन्त्रीले गर्ने व्यवस्था छ । यसका लागि कुलपति(प्रधानमन्त्री)ले सहकुलपतिको अध्यक्षतामा दुई जना प्राज्ञ सदस्यहरुको रहेको एक समिति गरेर सिफारिस गरेका व्यक्तिहरुमध्येबाट उपकूलपतिमा चयन हुन्छन् । नास्टको कूलपतिमा प्रधानमन्त्री र सहकुलपतिमा शिक्षा, विज्ञान तथा प्रविधि मन्त्री हुने व्यवस्था छ ।. नास्टको उपकुलपतिको कार्यकाल ४ वर्ष हुन सक्ने र थप एक पटक सोही पदमा पुनःनियुक्त गर्न सकिने उल्लेख छ । ऐनले नास्टको प्रज्ञासभा र परिषद्ले गरेका निर्णयहरु र निर्देशनहरु कार्यान्वयन गर्ने गराउने अभिभारा उपकूलपतिमा रहने व्यवस्था गरेको छ ।. नास्टको ऐनले विज्ञान क्षेत्रमा सक्रिय भएका जो कोही व्यक्तिलाई उपकूलपति चयन हुने व्यवस्था गरेकाले अहिले धेरैको दौडधुप बढेको हो ।.