सत्तारूढ गठबन्धनबाट अलग भएर गएको उपेन्द्र यादव नेतृत्वको जनता समाजवादी पार्टी नेपाल जसपा अन्ततः    प्रमुख प्रतिपक्षी दल नेकपा (एमाले) सँग चुनावी तालमेल गर्न पुगेको छ । एमाले र जनता समाजवादी नेपाल (जसपा) बीच ३५ र १७ सिटमा चुनावी तालमेल भएको छ । अध्यक्ष केपी शर्मा ओली र जसपा अध्यक्ष यादवबीच शुक्रबार साँझ सहमतिपत्रमा हस्ताक्षर भएको हो । सहमतिअनुसार जसपाले १७ सिट पाउनेछ ।

एमाले र जसपा तालमेल गरी मित्रवत प्रतिस्पर्धा गर्ने सहमति गरेका छन् । सहमतिअनुसार एमालेले जसपालाई सप्तरी १, २ र ४, सिरहा २ र ४, धनुषा १, महोत्तरी ३ र ४, सर्लाही १ र ४, रौतहट २, बारा २, पर्सा १ र २, रुपन्देही ४, मोरङ ५ र सुनसरी १ मा प्रतिनिधिसभातर्फ सघाउनेछ । त्यसैगरी जसपाले एमालेलाई अन्य ठाउँमा सघाउने सहमति गरेको छ ।