आज छापावाल सुनको मूल्य तोलामा एक सय रुपैयाँले बढेको छ । नेपाल सुनचाँदी व्यवसायी महासंघले आजको कारोबार मूल्य तोक्दै हिजोको तुलनामा भाउ बढेको जानकारी दिएको हो । आज छापावाल सुनको मूल्य प्रतितोला ९३ हजार ७ सय रुपैयाँ छ । आइतबार छापावाल सुनको मूल्य प्रतितोला ९३ हजार ६ सय रुपैयाँ थियो । तेजाबी सुनको मूल्य पनि आज बढेको छ भने तेजाबी सुनको मूल्य आज प्रतितोला एक सयले बढेको हो ।

आइतबार प्रतितोला ९३ हजार एक सय रुपैयाँ रहेको तेजावी सुनको मुल्य आज ९३ हजार २ सय रुपैया रहेको महासंघले जनाएको छ । आज चाँदीको मूल्य तोलामा ५ रुपैयाँले बढेको छ । महासंघका अनुसार आज चाँदीको मूल्य तोलाको ११ सय १५ रुपैयाँ कायम छ । आइतबार चाँदीको मूल्य तोलामा ११ सय १० रुपैयाँ थियो ।