आज छापावाल सुनको मूल्य तोलामा ३ सय रुपैयाँले बढेको छ । नेपाल सुनचाँदी व्यवसायी महासंघले आजको कारोबार मूल्य तोक्दै हिजोको तुलनामा भाउ बढेको जानकारी दिएको हो । आज छापावाल सुनको मूल्य प्रतितोला ९३ हजार ६ सय रुपैयाँ छ । शुक्रबार छापावाल सुनको मूल्य प्रतितोला ९३ हजार ३ सय रुपैयाँ थियो । तेजाबी सुनको मूल्य पनि आज बढेको छ भने तेजाबी सुनको मूल्य आज प्रतितोला ६ सयले बढेको हो ।

शुक्रबार प्रतितोला ९२ हजार ५ सय रुपैयाँ रहेको तेजावी सुनको मुल्य आज ९३ हजार एक सय रुपैया रहेको महासंघले जनाएको छ । आज चाँदीको मूल्य तोलामा ५ रुपैयाँले बढेको छ । महासंघका अनुसार आज चाँदीको मूल्य तोलाको ११ सय १० रुपैयाँ कायम छ । शुक्रबार चाँदीको मूल्य तोलामा ११ सय ५ रुपैयाँ थियो ।