राष्ट्रपति विद्यादेवी भण्डारीले संसदका दुबै सदनले पारित गरी प्रमाणिकरणको लागि पठाएको नागरिकता विधेयक फिर्ता पठाएर सार्वभौम संसद र सरकारलाई चुनौति दिएकी छिन् ।

संसदका सभामुख अग्नीप्रसाद सापकोटाले प्रमाणीकरणका लागि पठाएको १४ औं दिनमा सेरेमोनियल भुमिकामा रहेकी राष्ट्रपति भण्डारीले विधयेक प्रमाणकिरण गर्नुका बदलामा फिर्ता गरेकी हुन् ।
उक्त विधेयकमा संघीय संसदले पुनर्विचार गर्न आवश्यक भएकाले राष्ट्रपतिले प्रतिनिधिसभामा फिर्ता पठाएको राष्ट्रपति कार्यालयले आइतबार साँझ प्रेस विज्ञप्ति जारी गरी जानकारी दिएको छ ।

प्रतिनिधिसभा र राष्ट्रिय सभाले जन्मका आधारमा नेपाली नागरिकता पाएकाहरुका सन्तानले वंशजको नागरिकता पाउने र आमाको नामबाट नागरिकता लिन पाउने व्यवस्थासहित नागरिकता विधेयक पारित गरेर राष्ट्रपतिसमक्ष पठाएको थियो ।

प्रतिनिधिसभा र राष्ट्रिय सभाले पारित गरेपछि १५ साउनमा सभामुख अग्निप्रसाद सापकोटाले प्रमाणीकरण गरेर पठाएको १४ औं दिनमा राष्ट्रपतिले उक्त विधेयक प्रतिनिधिसभामै फिर्ता पठाएकी हुन् ।