नेकपा माओवादी केन्द्रको केन्द्रीय समिति बैठक फेरि सरेको छ। अध्यक्ष पुष्पकमल दाहाल प्रचण्डसहित सांसदहरू प्रतिनिधि सभा बैठकमा सहभागी हुनुपर्ने भएकोले बैठक बिहीबारसम्मका लागि स्थगित गरिएको हो।

आज दिउँसो २ बजेका लागि संसद बैठक बोलाइएको छ। प्रचण्डको सचिवालयका अनुसार बिहीबार बिहान ११ बजेसम्मका लागि केन्द्रीय समिति बैठक स्थगित गरिएको छ।

माओवादीले आज दिउँसो १ बजेका लागि बैठक बोलाएको थियो। बैठकमा प्रचण्डले पदाधिकारी प्रस्ताव गर्ने र केन्द्रीय सदस्यहरूले राखेका प्रश्नको जवाफ दिने कार्यक्रम थियो। माओवादीले आन्तरिक तयारीको लागि भन्दै हिजो पनि बैठक स्थगित गरेको थियो ।