एमाले अध्यक्ष तथा प्रधानमन्त्री केपी शर्मा ओलीले राष्ट्रपति विद्या भण्डारीलाई तपाई नभनेको भन्दै नेपाली कांग्रेसका सभापति तथा पुर्व प्रधानमन्त्री शेर बहादुर देउवालाई असभ्य नेताको आरोप लगाएका छन् ।

संसद विघटन गरेर शनिबार बालुवाटारमा आयोजित एक कार्यक्रममा मस्त र व्यस्त रहेका प्रधानमन्त्री ओलीले भने, ‘शेरबहादुर देउवाको औपचारिक वक्तव्य हेरें, राष्ट्रपतिलाई तपाईंसम्म भन्ने सभ्यता रहेन । तिमी, उनी, यसो गरिन् जस्ता भाषा प्रयोग गरिएको छ ।’

राष्ट्रपति भण्ण्डारी पुर्व एमालेकी उपाध्यक्ष बाट राष्ट्रपति बनेकी नृेतृ हुन् । उनले प्रधानमन्त्री तथा एमाले अध्यक्ष के पी ओलीले जे भन्यो त्यही हुबहु तत्कालै मान्दै जारी गर्दै गरेकी छिन् । उनले हिजो मात्रै ओलीकै सिफरिसमा संसद विघटन गरी मध्यावधि निर्वाचनको घोषणा गरेकी थिइन् ।
उनको कदमको विरोध गर्दै प्रमूख प्रतिपक्षी दलको नेता समेत रहेका देउवाले वक्तव्य जारी गरेका थिए ।