नेपाल कम्युनिस्ट पार्टी (नेकपा) स्थायी समिति सदस्य एवं संसदीय दलको मुख्य सचेतकएवम् लमजुङबाट संघीय प्रतिनिधि सभाका सांसद देव गुरुङलाई काेराेना संक्रमण देखिएकाे छ ।

उनको सचिवालयले साे कुराकाे पुष्टि गरेको हाे । केही दिनदेखि सामान्य ज्वराे अाएपछि स्वाव परिक्षण गर्दा काेभिड १९ देखिएकाे गुरूङका स्वकीय सचिव कमल खड्काले बताए । तर उनकी पत्नी तथा सांसद यशाेदा सुवेदीको भने स्वाव परिक्षणकाे रिपोर्ट अाउन बाँकी रहेकाे उनले बताएका छन् । केही सञ्चार माध्यमबाट सुवेदीलाई पनि काेराेना संक्रमण भएको भनेर समाचार अाईरहेका बेला खड्काले साे प्रष्ट पारेका हुन्

खड्काले साे विषयमा सामाजिक सञ्जालमा लेखेका छन् –

नेपाल कम्युनिस्ट पार्टी (नेकपा) स्थायी समिति सदस्य एवं संसदीय दलको मुख्य सचेतक मा. देव गुरुङ ज्यूलाई
कोभिड-१९ पोजेटिभ देखिएको हुँदा केही दिनदेखि उहाँको सम्पर्कमा रहनु भएका सबै साथीहरु सतर्क र सुरक्षित रहन अनुरोध गरिन्छ, हाल उहाको स्वास्थ्य अवस्था सामान्य नै छ, साथै माननीयज्यूकाे शिघ्र स्वास्थ्य लाभको कामना गर्दछु ।

माननीय यशोदा गुरुङ सुवेदीज्यूले आज दिउँसो (२०७७/०६/२७ गते) पिसिआर टेस्ट गर्नुभएको र हाल सम्म रिपोर्ट आएको छैन, तथापि हाल उहाको स्वास्थ्य अवस्था सामान्य छ । कतिपय अनलाईन मिडियामा माननीय यशोदा गुरुङ सुवेदीज्यूको समेत कोभिड-१९ पोजेटिभ रिपोर्ट आएको भन्ने न्युज असत्य रहेको जानकारी गराइन्छ ।