काठमाण्डौं,१४ जेठ ।

संघीय गठबन्धनले वार्ताको आहृवानसहित आफ्नो नाममा पत्र आए सरकारसँग वार्तामा बस्न तयार हुने निर्णय गरेको छ।
शुक्रबार राजधानीमा बसेको बैठकले यस्तो निर्णय गरेको हो । वार्ताको आहृवानसहित आफ्नो नाममा पत्र नआएसम्म सरकारसँग वार्तामा नबस्ने गठबन्धनको निर्णय छ।

गठबन्धनले राजधानीमा १२ घण्टे धर्नामा बस्ने निर्णय पनि गरेको गठबन्धनका नेताहरुले बताएका छन् ।

प्रधानमन्त्री केपी शर्मा ओलीले हालै मात्र वार्ताको आहृवानसहित मधेसी मोर्चालाई पत्र लेखेको सन्दर्भ निकाल्दै मोर्चाले गठबन्धनका नाममा पत्र आए वार्ता गर्न तयार रहेको बताएको हो।
प्रधानमन्त्रीको पत्रलाई लिएर मधेसी मोर्चाका नेताहरुको फरक फरक धारणा आएपछि शुक्रबार गठबन्धनको बैठक बसेको हो।

बैठकमा गठवन्धनका संयोजक एवं संघीय समाजवादी फोरम नेपालका अध्यक्ष उपेन्द्र यादवले प्रधानमन्त्रीले पठाएको भनिएको पत्रै आफूहरूले नपाएको दाबी गरे।