भारतलाई प्रधानमन्त्री ओलीको जवाफ- रोटी-बेटीको सम्बन्ध भनेर मात्र हुँदैन।
प्रधानमन्त्री ओलीले रोटी-बेटी वा अरनिको-भृकुटी को नामले मात्र सम्बन्ध राम्रो हुन नसक्ने समेत बताए । उनले परराष्ट्र सम्बन्ध र नीति पञ्चशीलको सिद्धान्त केन्द्रमा राखेको उनले बताए । ओलीले चीन र भारत लगायत सबै मित्र राष्ट्रहरुसँग सुमधुर सम्बन्ध राख्न चाहेको तर त्यका लागि राष्ट्रिय हित केन्द्रमा राखिने उनले बताए ।
नेपालमा मानव अधिकारको अवस्था राम्रो रहेको छ ।
हिंसात्मक द्वन्द्धबाट गुज्रिएको देशले शान्तिपूर्ण अवस्थामा तत्कालीन द्वन्द्ध ब्यवस्थापनको वर्तमान समयमा केही कमी कमजोरी रहेको भएपनि धेरै कुरा राम्रो भएको दावी प्रधानमन्त्री ओलीले गरेका छन् ।
भारतले उठाउन खोजेको द्वन्द्धकालीन मुद्धा र मानव अधिकारको मुद्धाप्रति लक्षित गर्दै ओलीले नेपालको मानव अधिकारको अवस्था धेरै राम्रो भएको बताएका छन् ।
नेपालको मानव अधिकार सम्बन्धि मुद्धा भारतले धेरै पटक उठाएको छ । केही समय अघी स्वीट्जर्ल्याण्डको जेनेभास्थित अन्तर्राष्ट्रिय मञ्चबाट नेपालको मानव अधिकारबारे भारतले कुरा उठाएको थियो ।
सरकारको उपलब्धी
सम्बोधनमा ओलीले थुप्रै महत्वकांक्षी योजनाहरुको काम समयमै पुरा हुने विश्वास दिलाएका छन् ।
ओलीले फागुन दोस्रो साताबाट भारतबाट ८० मेगावाट विद्युत ल्याइसकिएको जानकारी दिँदै निर्माणाधिन परियोजनाहरुको काम समयमै सम्पन्न हुने बताएका छन् । ओलीले समयमै झोलुङ्गे पुल बन्ने र तुइन विस्तापित हुने सुनाए ।
भूकम्पपछिको पून निर्माणले गति लिन नसकेको स्वीकारे । भूकम्प पीडितका लागि सामूहिक आवासको योजना अघि बढाइने ओलीले सुनाए ।
