भारतकाे तमिलनाडुको करुरमा अभिनेता विजयको र्‍यालीमा सहभागी भएका समर्थकहरूबीच भागदौडमा परी ३६ जनाको मृत्यु भएको छ। साे क्रममा ४० भन्दा बढी घाइते भएका छन् ।

भारतीय सञ्चारमाध्यमका अनुसार अभिनेताबाट राजनीतिज्ञ बनेका विजयको पार्टी तमिलगा भेट्टी कझगम (टीभीके) को र्‍यालीमा ठूलो संख्यामा मानिसहरू भेला भएका थिए।

९ वर्षीया बालीका बेपत्ता भएको खबरपछि खाेजीकाे क्रममा भागदाैड मच्चिएको थियाे ।

मृतकमा १६ महिला र ८ बालबालिका रहेको तमिलनाडुका स्वास्थ्यमन्त्री एम.ए. सुब्रमण्यमले बताएका छन्। दुर्घटनामा ५८ जनाभन्दा बढी घाइते भएका छन्। मृत्यु हुनेको संख्या बढ्न सक्ने आशंका गरिएको छ।

साे क्रममा ९ वर्षीया बालिका बेपत्ता भएपछि  विजयले प्रहरी र उनका समर्थकहरूलाई उनलाई खोज्न मञ्चबाटै अपिल गरेका थिए ।

भिडमा फसेका कारण धेरै मानिसहरूलाई सास फेर्न गाह्रो भयो र धेरै मानिसहरू र कार्यकर्ताहरू बेहोस हुन थाले। अवस्था बिग्रँदै गएको देखेर विजयले आफ्नो भाषण रोके र मानिसहरूलाई शान्तिका लागि अपिल गरे।