सत्तारुढ दलहरुको बैठक बालुवाटार सुरु भएको छ। प्रधानमन्त्रीको सरकारी निवास बालुवाटारमा भएको बैठकको मुख्य एजेण्डा प्रतिपक्षी दलहरुले गर्न लागेको सडक अन्दोलन कसरी सामना गर्ने भन्ने विषय रहेको बुझिएको छ । बैठकमा पछिल्लो राजनीतिक र आर्थिक अवस्थाका बारेमा छलफल हुने जनाइएको छ।

सरकारले सय दिन पार गरेलगत्तै विपक्षी दलहरूले सरकारविरुद्ध मोर्चाबन्दी सुरु गरेका छन्। विपक्षी दलको मोर्चाबन्दीलाई कसरी कमजोर पार्ने र सरकारविरुद्ध सडकमा देखिन थालेको आक्रोशलाई कसरी मत्थर पार्ने भन्ने विषयमा बैठकमा छलफल गर्ने सत्तारुढको तयारी छ।

सरकारले रास्वपा सभापति रवि लामछिानेलाई गिरफतार गरेपछि रास्वपा आन्दोलनमा छ भने प्रमूख प्रतिपक्षी दल नेकपा माओवादी केन्द्रले भोली १० गते काठमाडौंमा खबरदारी सभा र जनप्रदर्शन आयोजना गरेको छ ।