सत्तारूढ दल नेपाली कांग्रेसले सरकारकाे राहत काेषमा ५० लाख सहयाेग गर्ने निर्णय गरेको छ ।

उसले राहत र उद्धार कार्यमा सम्पूर्ण शक्ति केन्द्रित गर्ने निर्णय पनि  गरेको छ । बूढानीलकण्ठस्थित पार्टी सभापति शेरबहादुर देउवाको निवासमा आइतबार बिहान बसेको कांग्रेस केन्द्रीय कार्यसम्पादन समितिको बैठकबाट यस्तो निर्णय गरिएको हो ।

पीडितको सहयोगका निम्ति ५० लाख रुपैयाँ सरकारको राहत कोषमा जम्मा गर्ने निर्णय गरिएको र यसका निम्ति कांग्रेसका सबै सांसदहरूको १५ दिनको तलब सहयोग गर्ने निर्णय गरिएको प्रवक्ता डा. प्रकाशशरण महतले जानकारी दिए ।