निर्जीवन बिमा व्यवसाय गरिरहेका १४ कम्पनीले चालू आर्थिक बर्ष ०८०–८१ को चैत मसान्तसम्म २९ अर्ब ९९ करोड ७६ लाख रुपैयाँ बिमा शुल्क उठाएका गरेका छन् । यो रकम गत आव ०७९–८० को सोही अवधिको तुलनामा ०.०६ प्रतिशतले कम हो ।

आर्थिक शिथिलता कारण पछिल्लो दुई वर्षयता निर्जीवन बिमाको वृद्धिदर सन्तोषजनक छैन । दुई बर्षअघि ०७८/७९ मा निर्जीवन बिमा अघिल्लो बर्षको तुलनामा २३.५६ प्रतिशतले बढेको थियो । त्यसयता भने निर्जिवन बिमा शुल्क संकलन ओरालो लागेको हो ।

गत आव ०७९/८० को चैत मसान्तसम्म २.६६ प्रतिशतले मात्रै बृद्धि भएर ३० अर्ब १ करोड ४८ लाख रुपैयाँ संकलन भएको थियो । अर्थतन्त्रमा सुधार हुन नसक्दा यो बर्ष निर्जिवन बिमा क्षेत्र झन् खस्किएको बिमक संघका अध्यक्ष चंकी क्षेत्रीले बताएकाे खबर नयाँ पत्रिकामा छ ।