प्रतिनिधिसभा सदस्य अमरेशकुमार सिंहले तत्कालीन राष्ट्रपति विद्या देवी भण्डारीलाई सदनकाे अपमान गरेको अभियागमा कार्वाही हुनुपर्ने माग गरेका छन् ।

सोमबारको प्रतिनिधिसभा बैठकमा सांसदहरूले नागरिकता विधेयक प्रमाणिकरणकाे विराेध गरेपछि सांसद सिंहले यस्तो काउण्टर गरेका हुन् ।

उनलेे दुई-दुई पटक संघीय संसदका दुवै सदनले पारित गरेर पठाएको नागरिकता विधेयक प्रमाणीकरण नगर्ने तत्कालीन राष्ट्रपतिलाई कस्तो कारबाही हुन्छ भनेर प्रश्न गरेका छन् ।

सोमबार बसेको प्रतिनिधिसभा बैठकमा संवैधानिक व्यवस्था उद्धृत गर्दै उनले दुई-दुई पटक सदनले पारित गरेर प्रमाणीकरण गर्नु पर्ने बाध्यकारी संवैधानिक बाध्यता हुँदा पनि प्रमाणीकरण नगर्ने तत्कालीन राष्ट्रपतिमाथि कस्तो कारबाही हुन्छ भनेर प्रश्न गरे । साथै उनले कारबाही नै गर्नु पर्ने बताए ।

राष्ट्रियसभा र प्रतिनिधिसभाले पारित गरेर प्रमाणीकरणका लागि पठाएको नागरिकता विधेयकलाई तत्कालीन राष्ट्रपति विद्यादेवी भण्डारीले सुझावसहित फिर्ता पठाएकी थिइन् ।

यसपछि फेरि उक्त विधेयकमाथि छलफल गर्दै दुवै सदन राष्ट्रियसभा र प्रतिनिधिसभाले पारित गरेर प्रमाणीकरणका लागि पठाएको नागरिकता विधेयक तत्कालीन राष्ट्रपति भण्डारीले प्रमाणीकरण नगरी होल्ड गरेर राखेकी थिइन् ।

उक्त कार्य कानुनविपरीत रहेको भन्दै सांसद सिंहले उनलाई कारबाही गर्नुपर्ने बताएका हुन् ।