दैलेखमा ग्यास सिलिन्डर बोकेको ट्रक दुर्घटना हुँदा तीन जनाको घटनास्थलमै मृत्यु भएको छ । ट्रक सडकबाट करिब १५० मिटर तल खसेको थियो । भे१ क २२०१ नम्बरको ट्रक नेपालगन्जबाट दैलेख जाँदै गरेको थियो। मनकामना ग्यास बोकेको उक्त ट्रक गुराँस गाउँपालिका-४ तालपोखरी नजिक दुर्घटना भएको जिल्ला प्रहरी कार्यालय दैलेखले जनाएको छ ।

दुर्घटनामा परि चालक अन्दाजी ३१ वर्षीय कृष्ण चौधरी, ट्रकमा सवार २५ वर्षीय लक्षिराम चौधरी र २३ वर्षीय विष्णु चौधरीको मृत्यु भएको दैलेख प्रहरीले जानकारी दिएको छ । सहचालक प्रकाश कुमाई  सकुशल रहेको प्रहरीले जनाएको छ। माथिल्लो मोडबाट तल्लो मोडमा खसेको ट्रकका कारण बाटो अवरुद्ध भएको प्रहरीले जनाएको छ।