कतारमा जारी विश्वकपमा अर्जेन्टिना क्वाटरफाइनलमा प्रवेश गर्न सफल भएको छ । कप्तान मेस्सीकाे गाेलमार्फत अष्ट्रेलियालाई पछाडि पार्दै अर्जेन्टिना अगाडि बढेको हाे । शनिबार राति भएको खेलमा अर्जेन्टिनाले अष्ट्रेलियालाई २-१ गाेल अन्तरले पराजित गर्दा अर्जेन्टिनाकाे क्वाटरफाइनल यात्रा तय भएको हाे । विश्वकपको यो खेलसँगै लियोनल मेस्सीले आफ्नो करिअरमा आधिकारिक १ हजार खेल पूरा गरे । मेस्सीको यो करिअरको ७८९औं गोलसमेत हो ।

लगातार पाँचौं संस्करण फिफा विश्वकप खेलेका मेस्सीले विश्वकपमा गोलसंख्या ९ पुर्याएका छन् । जारी विश्वकपमा उनको यो तेस्रो गोल हो । मेस्सीले विश्वकपको नकआउट चरणमा गोल गरेको यो पहिलोपल्ट समेत हो ।  ३५ वर्षीय मेस्सी करिअरको १६९ अन्तर्राष्ट्रिय खेल खेलिरहेका थिए । टिमलाई अर्को चरणमा पुर्याउनका लागि मेस्सीले आवश्यक समयमा शानदार प्रदर्शन गरे । उनीहरु आगामी शुक्रबार नेदरल्याण्ड्ससँगको क्वाटरफाइनल खेलका लागि तयारी गर्नेछन् ।  https://mulkhabar.com/archives/121270