नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ आगामी साउन २१ गते पाँच दिने जापान भ्रमणमा जाने हुनुभएको छ । माओवादी केन्द्र निकट नेपाली जन प्रगतिशील मञ्च जापानको निमन्त्रणमा अध्यक्ष प्रचण्ड जापान जान लाग्नुभएको प्रचण्डका प्रेस संयोजक सुर्यकिरणले जानकारी दिनुभयो ।

अध्यक्ष प्रचण्डको सचिवालयका अनुसार प्रचण्डकोे साउन २१ देखि साउन २५ गतेसम्मको भ्रमण तालिका तय भएको छ । प्रचण्ड साउन २५ मा नेपाल फर्कने कार्यक्रम तय भएको छ । अध्यक्ष प्रचण्ड ‘पुर्व प्रधानमन्त्री तथा नेकपा माओवादी केन्द्रका अध्यक्षको हैसियतमा भ्रमणमा जाने हुनुभएको हो ।
प्रचण्डले पार्टीको आन्तरिक संगठनको कामका साथै सरकारका अधिकारीहरुसँग पनि भेट्ने कार्यक्रम बनेको सचिवालयले जनाएको छ ।

अध्यक्षको ४ सदस्यीय टोलीमा अध्यक्षको सचिवालयका सदस्यहरुमात्रै सहभागि हुने बताइएको छ ।