सत्तागठबन्धनले आज केन्द्रीय राजधानी काठमाडौंमा चुनावी सभा गर्ने भएको छ । हिजो चितवनमा पहिलो चुनावी सभा गरेको गठबन्धनले आज राजधानी काठमाडौंको रत्नपार्कको शान्तिवाटिकामा चुनावी सभा आयोजना गर्न लागेको हो ।
स्थानीय तहको निर्वाचन आउन ६ दिन बाँकी हुँदा गठबन्धनले गर्न लागेको दोश्रो केन्द्रीय चुनावी सभामा गठबन्धन दलका शिर्ष नेताहरुले सम्बोधन गर्ने बताइएको छ ।

सत्ता गठबन्धनको प्रमूख दल नेपाली कांग्रेसका सभापति तथा नेपाल सरकारका प्रधानमन्त्री शेर बहादुर शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाललगायतले सम्बोधन गर्ने कार्यक्रम रहेको तर चितवन रहेका माओवादी अध्यक्ष मौसम खराबीका कारण अहिलेसम्म काठमाडौं नआइसकेकाले कार्यक्रममा सहभागि हुन नसक्ने बताइएको छ । ।

काठमाण्डौ महानगरपालिकामा गठबन्धनबाट कांग्रेस नेतृ सृजना सिंह मेयरमा उम्मेदवार छिन् भने ललितपुर महानगरमा पनि कांग्रेसकै चिरीबाबु महर्जन उम्मेदवार छन् ।