सत्तारुढ दल नेपाल कम्युनिष्ट पार्टी माओवादी केन्द्रले आज पार्टी मुख्यालयमा पत्रकार सम्मेलन आयोजना गरेको छ । पार्टीको प्रचार विभागको आयोजनामा हुने पत्रकार सम्मलेनमा बैसाख ३० मा हुन गइरहेको स्थानिय तहको निर्वाचन र पार्टीको गतिविधि तथा गठबन्धनका विषयमा स्पष्ट पार्ने जनाइएको छ ।
प्रचार विभागले हरेक हप्ताको सोमबार नियमित पत्रकार सम्मेलन गर्ने घोष्णा गरे अनुरुप नै आजको पत्रकार सम्मेलन हुन लागेको जानकारी केन्द्रीय कार्यलयका मुख्य सचिव श्रीराम ढकालले जानकारी दिएका छन् ।

उनका अनुसार अध्यक्ष पुष्पकमल दाहाल प्रचण्ड पत्रकार सम्मेलनमा सहभागी हुने नहुनेबारे कुनै जानकारी अहिलेसम्म आएको छैन्। ‘उहाँको व्यस्तता कस्तो छ थाहा छैन,’ ढकालले भने, ‘प्रचण्ड आउने नआउनेबारे कुनै जानकारी छैन्। अध्यक्ष नआए पनि प्रवक्ता(कृष्णबहादुर महरा) सहभागी हुनुहुन्छ।’

स्थानीय तह निर्वाचनका लागि आज दलहरुले मनोनयन दर्ता गर्दै छन्। हिजो र आजका लागि मनोनयनको मिति निर्वाचन आयोगले तोकेको छ।