दलहरुबीच जटिल बन्दै गएको परिस्थितिबारे नै समीक्षा भएकाे छ । एमालेले अहिले के पोजिसन राख्छ र त्यसमा कांग्रेस र माओवादीले कसरी त्यो कुरालाई अघि बढाउन तयार हुन्छन् त्यसले नै नयाँ राजनीतिक कोर्ष कता जान्छ भन्ने निर्धारण गर्ने अवस्था छ । बिहीबार दिनभर र साँझको दौडधुपमा एमालेले दुवै दलसँग के-के प्रस्ताव राख्यो त ?

एमाले उपाध्यक्ष बिष्णु पौडेलले एमालेले दुवै दललाई तीन-तीन वटा प्रस्ताव राखेको जानकारी दिए ।

कांग्रेससँग एमाले प्रस्ताव

• सभामुख हटाउनुपर्ने ।
• नेकपा एसका १४ जना सांसद निष्कासन गर्नुपर्ने ।
• सदनमा भाग लिने अवस्था बनेपछि एमसीसीसहितका बिषयमा पोजिसनसहित प्रस्तुत हुने ।

एमालेले पेश गरेका यी प्रस्तावमा कांग्रेस नेताहरुले ठोस धारणा दिन नसकेको उनले जानकारी दिए । तर यी विषयमा छलफल गरेर जान सक्ने आधार भने बनेको छ । एमालेसँगका दुवै बैठकमा कांग्रेस नेताहरुले एमसीसी पास नगर्दा अन्तराष्ट्रिय रुपमा राम्रो सन्देश नजाने भएकाले यसमा एमालेले सहयाेग गर्नुपर्ने प्रस्ताव गरेका थिए । गठबन्धनमा अन्य दलले सरकारले अघि बढाउन खोजेको सम्झौतालाई रोक्न खोज्दा सँगसँगै जान सक्ने आधार कमजोर बनेको कुरा पनि राखेका थिए ।

तर एमाले नेताहरुले गठबन्धन कामय रहेको अवस्थासम्म अनुमोदनका लागि आफूहरु नचाहिने भएकाले गठबन्धन नरहेको स्पष्ट भएपछि मात्र एमाले आफ्नो ठोस प्रस्तावसहित आउने धारणा राखेका थिए । यसबारे थप कांग्रेससँग शुक्रबार थप छलफल हुने संभावना छ । साँझको बैठकपछि सञ्चारन्त्री ज्ञानेन्द्रबहादुर कार्कीले स‌ंसद् चाँडै सूचारु गर्ने विषयमा सकारात्कम बनेको बताए । एमालेको माग सम्बोधन गरेर संसद् खुल्ने वातावरण बनाउने कि अन्य कुनै तरिकाबाट जाने भन्नेचाहिँ कार्कीले खुलाएनन् । यसबारे शुक्रबारको बैठकमा थप छलफल हुनेछ ।

माओवादीसँग एमालेको प्रस्ताव

एमालेले माओवादी नेताहरुस‌ँग पनि करिब कांग्रेससँगकै जस्तो प्रस्ताव राखेको छ ।

• नेकपा एसका १४ जना सा‌ंसद निष्कासनको सूचना जारी गर्नुपर्ने ।
• सभामुखले राजीनामा दिनुपर्ने ।
• नेकपाकालमा अध्यक्ष ओलीविरुद्ध दाहालले लगाएको १९ पृष्ठ को आरोप फिर्ता लिनुपर्ने ।

एमालेले राखेका यी प्रस्तावमा माओवादीका नेताहरुको ठोस जवाफ नआएको उपाध्यक्ष पौडेलले जानकारी दिए । माओवादीले बिहीबारको बैठकमा एमालेसँग एमसीसीबारे साझा धारणा बनाएर जाउँ भनेका थिए । एमसीसीबारे कम्युनिष्ट पार्टीहरु एउटै धारणा बनाएर जानु राम्रो हुने दाहालको धारणा थियो । तर एमाले अध्यक्ष ओलीले माओवादी नेताहरुलाई नेकपाकालदेखि आफूमाथि लगाएका आरोपका प्रस‌ंग निकालेर त्यसमा समेत माओवादीको धारणा मागे । जसका कारण मा‌‌ओवादीसँगको छलफल हार्दिकतापूर्ण बनेन ।