राष्ट्रियसभा निर्वाचनको अन्तिम मतपरिणाम सार्वजनिक भएको छ। निर्वाचन आयोगले राष्ट्रिय सभा सदस्यमा १९ जना निर्वाचित उम्मेदवारको अन्तिम मतपरिणाम सार्वजनिक गरेको हो ।

निर्वाचनमा महिला, दलित, अपाङ्गता भएका व्यक्ति वा अल्पसङ्ख्यक र अन्य समूह गरी ४३ उम्मेदवार सहभागी भएकामध्ये १९ उम्मेदवार विजयी भएका छन् ।

निर्वाचनमा सम्बन्धित प्रदेशभित्रका प्रदेशसभा सदस्य तथा स्थानीय तहका प्रमुख र उपप्रमुख मतदाता थिए । प्रदेशसभा सदस्यको मतभार ४८ र स्थानीय तहका जनप्रतिनिधिको मतभार १८ रहेको थियो । ​

निर्वाचन आयोगले बुधबार राति सार्वजनिक गरेको नतिजा अनुसार प्रदेश १ मा एमालेका साेनाम गेल्जेन शेर्पा बाहेक अन्य सबै स्थानमा सत्तारूढ गठबन्धनका उम्मेदवार विजयी भएका छन् ।

प्रदेश १ मा

गोपाल कुमार बस्नेत, सोनाम गेल्जेन शेर्पा, जयन्ती देवी राई,

मधेस प्रदेशमा

उर्मिला अर्याल, मोहम्मद खालिद,

बागमती प्रदेशमा

गोमादेवी तिमिल्सना, कृष्ण प्रसाद पौडेल,

गण्डकी प्रदेशमा

कमला पन्त, भुवन बहादुर सुनार, सुरेश आले मगर,

लुम्बिनी प्रदेशमा

राजेन्द्र लक्ष्मी गैरे, तुल प्रसाद विश्वकर्मा, युवराज शर्मा,

कर्णाली प्रदेशमा

दुर्गा गुरुङ, नरबहादुर विष्ट, उदयबहादुर बोहरा र

सुदूरपश्चिम प्रदेशमा

मदन कुमारी शाह, जगद बहादुर पार्की र नारायणदत्त मिश्र विजयी भएका छन् ।​

निर्वाचनको लागि प्रदेश १ मा ३६४, मधेश प्रदेशमा ३७२, बागमती प्रदेशमा ३४६, गण्डकी प्रदेशमा २२९, कर्णाली प्रदेशमा १९१, लुम्बिी प्रदेशमा २९६ र सुदूरपश्चिम प्रदेशमा २२७ गरी सातै प्रदेशमा कुल २०२५ मतदाता थिए । जसमध्ये दुई हजार सात जनाले मात्र राष्ट्रिय सभा निर्वाचनमा मतदान गर्नुभएको थियो भने १८ जना मतदाता अनुपस्थित भएका छन् ।