विजेता नेपाली फुटबल खेलाडीलाई एन्फाले जनही १ लाख दिने

अखिल नेपाल फुटबल संघ (एन्फा) ले थ्री नेसन्स कपको उपाधि जितेको नेपाली राष्ट्रिय फुटबल टिमका खेलाडीलाई जनही १ लाख रुपैयाँ दिने भएको छ।

नेपालले ३७ वर्षपछि घरेलु भूमीमा उपाधि जित्ने क्रममा थ्री नेसन्स कपको फाइनलमा सोमबार बंगलादेशलाई २-१ गोलले पराजित गरेको थियो।

नेपालको जितमा सन्जोक राई र विशाल राईले गोल गरेका थिए।

एन्फाले उपाधि जितेको भोलिपल्ट टिमका खेलाडीलाई नगद पुरस्कार दिने घोषणा गरेको हो।

उपाधि जितेको नेपालले ५ हजार अमेरिकी डलर पनि प्राप्त गरेको थियो। उपाधि जितेबापत प्राप्त हुने ५ हजार डलर पनि खेलाडीहरूलाई वितरण गरिने एन्फाले जनाएको छ।

मूलखबर टिमः