जनयुद्धको शुरुवात देखी नै माओवादी पार्टीमा आबद्ध भएकी जन कलाकार मनु लामाले आफ्ना पूर्व कमाण्डर एंव गृहमन्त्रीलाई सामाजिक संजाल मार्फत निकै भावुक भएर लेखेकी छिन् । आफ्ना श्रीमान माइला लामालाई प्रहरीले गिरफ्तार गरेपछि उनले भावुक हुदै गृहमन्त्री राम बहादुर थापा बादललाई सम्बोधन गर्दै भनेकी छिन् – बादल दाइ ! हजुरको भन्दा पछि मेरो लास परें भने म पक्कै पुष्प गछ्छा लिएर आउनेछु । हजुरको कार्यकाल अझ सफल होस् , भन्दै व्यङ्ग्यात्मक रुपमा आफ्नो पीडा र आक्रोस पोखेकी छिन् । उनका श्रीमान र उनी दुबैजना जनयुद्धको अबधि भर जनकलाकारको नेतृत्व तहमा थिए । माइला लामा जनयुद्धकै क्रममा गम्भिर घाइते भएका थिए । त्यतिबेला घाइते हुँदा उनको आँखा र कानमा गम्भिर क्षति पुगेको थियो । जनकलाकारको रुपमा निकै स्थापित माइला लामाको यो जोडी जनयुद्धको एक आदर्श जोडि थियो । माइला लामा पछिल्लो चरण विप्लव माओवादी पार्टीको उपत्यका इन्चार्ज थिए । आफ्ना पूर्व कमाण्डर बादल गृहमन्त्री भएको बेलामा आफ्ना पति गिर्फ्तार गरिएकोमा उनले सामाजिक संजाल मार्फत आक्रोस पोखेकी हुन् ।