काठमाडौं, ३ असार ।
सत्तारुढ दल नेकपाका वरिष्ठ नेता तथा पुर्व प्रधानमन्त्री माधव कुमार नेपालले प्रधानमन्त्रीलाई सम्बोधन अवरोध गरेर प्रतिपक्षी दल कांग्रेसले गलत गरेको टिप्पणी गर्नुभयो ।

प्रमूख प्रतिपक्षी दल नेपाली कांग्रेसले सदन अवरुद्ध गरेपछि संघीय संसद भवनमा संचारकर्मीसंग संक्षिप्त प्रतिक्रिया नेता नेपालले प्रमुख प्रतिपक्षी दलले गलत ससदीय नजिर बसाल्न खोजेको बताउनुभएको हो ।

प्रधानमन्त्रीले बोल्ने भनिसकेपछि संसदीय परम्परा अनुसार उहाँको कुरा सुन्नुपर्नेमा अवरोध श्रृजना गर्नु नाजायज भएको टिप्पणी उहाँले गर्नुभयो ।

उहाँले भन्नुभयो “प्रमुख प्रतिपक्षी दलको माग नाजायज थियो । प्रधानमन्त्री बोल्ने भनिसकेपछि संसदीय परम्परा र संसदीय परिपाटी अनुसार प्रधानमन्त्रीले भनेको कुरा सुन्नुपर्छ । त्यसपछि प्रतिपक्षीले बोल्ने कुराको सन्र्दभमा बोल्न पाउनुपर्छ । सभामुखको रुलिङ नमानेर गलत संसदीय नजिर बसाल्न खोजेको देखिन्छ । ”

कांग्रेसले संसद प्रम्रख प्रतिपक्षी दलको हुने संसदिय परम्परा र मान्यता अनुरुप प्रतिपक्षी दलका नेताले पहिले बोल्न पाउनुपर्ने माग गर्दै संसद अवरुद्ध गरेको थियो ।