लमजुङ १७ चैत-
जिल्ला प्रहरी कार्यालय लमजुङले लागुऔषध सहित दुई जनालाई पक्राउ गरेको छ ।

प्रहरीले गस्तीका क्रममा बेसीशसहर नगरपालिका ८ बस्ने बस्ने वर्ष २७ का सुनिल दनाई र बेसीशहर नगरपालिका वडा नं. ७ बस्ने बर्ष २१ का दिनेश तामाङलाई पक्राउ गरेको हो । दनाईलाई सुन्दरबजार नगरपालिका ३ च्यानपाटा र तामाङलाई बेसीशहर नगरपालिका वडा नं. २ वाह्रबिसेबाट पक्राउ गरिएको प्रहरीले जनाएको छ ।

दनाइको साथबाट नुफीन ८३ थान, फेनारगन ८३ थान र डाइजोपाम ८३ थान र ११ हजार ५ सय ८० नगद वरामद गरेको छ भने निज सवार बा ४४ प २३१४ नम्बरको मोटरसाइकल बरामद गरिएको प्रहरी निरिक्षक वसन्त पाण्डेले बताए ।

त्यस्तै तामाङको साथबाट डाइजापाम ३७ थान,आइपिपिएल ३७ थान, प्रोमेथाजिन ३७ र १ थान सिरिन्ज बरामद गरिएको प्रहरीले जनाएको छ । पक्राउ परेका दुवैजनालाई थप अनुसन्धान गरी कारवाहि अघि बढाईने प्रहरी नायव उपरिक्षक यादव ढकालले बताए ।

जिल्ला अदालत लमजुङबाट दनाईलाई ७ दिन र तामाङलाई १० दिन म्याद थप गरी थप अनुसन्धान भईरहेको जिल्ला प्रहरी कार्यालय मुद्धाफाटका प्रहरी जवान दिपक गीरीले जानकारी दिए ।